“Rëndësia e higjienës së gjumit tek fëmijët dhe edukimi i tij” ishte tema e trajtuar në seancën e rradhës së psikoedukimit.
Rëndësia e gjumit për fëmijët, në aspektin fizik dhe mendor. Më pas me disa nga faktorët që çrregullojnë gjumin si prishja e rutinës, pajisjet elektronike, nisja e çerdhes dhe kopështit, fillimi i të ecurit, prezenca e fëmijëve në debatet familjare apo strese të përditshmërisë të cilat ndikojnë tek fëmijët.
Nënat shfaqën interes me pyetje dhe me eksperiencat e tyre personale, çfarë funksionon më mirë në rutinën e fëmijëve për to dhe përdorimi i disa stimujve pozitivë.
Disa elementë të tjerë të prezantimit ishin ndikimi i gjumit në përditshmëri, në përmirësimin e të mësuarit, rritjen e imunitetit të fëmijës dhe në uljen e stresit. Gjithashtu u sugjeruan disa hapa që mund të ndjekin nënat për të lehtësuar gjumin e fëmijës si vendosja e një rutine përpara gjumit, tregimi i përrallave, shmangia e telefonit dhe ekraneve në përgjithësi, disiplina e orarit të gjumit, shkarkimi i energjive gjatë ditës që fëmija të jetë i gatshëm për gjumë dhe kujdesi për një ambient të përshtatshëm për fjetjen e fëmijës.
