Në seancën e rradhës së psikoedukimit u trajtua tema: “Rëndësia e dinamikave familjare përgjatë ecurisë tek fëmijët me çrregullime të spektrit Autik”.
Nisi me rëndësinë e mbështetjes, komunikimit, informacionit dhe bashkëpunimit që duhet të ketë në familje për trajtimin sa më efektiv të prblematikave të fëmijës. Kujdesi që nënat duhet të kenë për veten si element i rëndësishëm në procesin e mbështetjes së fëmijëve.
Marrëdhëniet e shëndetshme familjare thelbësore për ecurinë e fëmijës. Gjithashtu u theksuan disa teknika të thjeshta të përditshme si plani ditor, koha për lojrat, arti si teknikë ndihmëse në rritjen e vetëvlerësimit të fëmijës dhe rutina e shkollës.
Krijimi i një mjedisi të qetë e të rehatshëm, teknikat qetësuese, dhënia e alternativave fëmijës si dhe komunikimi i thjeshtë me prindërit si pjesë lehtësuese e procesit.
Nënat u bënë pjesë aktive lidhur me disa pyetje të trajtuara gjatë takimit si: Kur e kanë zbuluar problematikën e fëmijës dhe si kanë qënë reagimet e familjarëve. Sa kanë ndikuar marrëdhëniet familjare, bashkëshorti në trajtimin e fëmijës. Si janë marrëdhëniet e fëmijës me familjarët dhe ambientin social.
