Në vijim të seancave të psikoedukimit, u trajtua tema: ” Trajnimi i tualetit tek fëmijët”.
Mosha kur nis zakonisht, si përgatitet fëmija, interesimi dhe kurioziteti nga ana e fëmijës, kur tregon me shenja parehatinë ndaj pampersit dhe të kuptuarit të jashtëqitjes.
U theksua që fëmijët nuk duhet të ndjejnë presion kur nis procesi i trajnimit, në mënyrë më specifike tek fëmijët me autizëm mosha e tualetit shtyhet për shkak të vështirësive në marrjen e komandave dhe perceptimin e nevojave. Gjithashtu u trajtua momenti dhe rutina që duhet ndjekur.
Disa mënyra se si procesi mund të bëhet më i lehtë dhe argëtues për fëmijën. Nënat u bënë pjesë aktive duke diskutuar rastet dhe situatat e tyre konkrete.
Lehtësirat që mund të perdorin për ta ndihmuar fëmijën. Rutina, ndryshimet dhe shpeshtësia e intervaleve të qëndrimit në tualet. Kontrolli i të mbathurave dhe fazat e trajnimit intensiv.
Vështirësite e trajnimit të urinimit dhe jashtëqitjes, rituali i pelenave i cili kërkon kohë e durim dhe tualeti gjatë natës.
